នគរបាលស្រុកបន្ទាយអំពិល ឃាត់ខ្លួនជនសង្ស័យចំនួន ០១​ នាក់! ករណីឃាតកម្ម (កាប់​សម្លាប់​បងថ្លៃ​ ដោយ​សារកំហឹង ភ្លើងប្រចណ្ឌ )​ នៅឃុំអំពិល ស្រុកបន្ទាយអំពិល​ ខេត្ត​ឧត្ដរមានជ័យ​

នៅថ្ងៃទី១២ សីហា ឆ្នាំ២០២៥ វេលាម៉ោង ១១៖៤៨នាទី នៅចំណុចផ្ទះ របស់ ឈ្មោះ សារឿន កុសល ត្រូវជាប្អូនបង្កើតជនរងគ្រោះ ស្ថិតភូមិអពិលថ្មី ឃុំអំពិល ស្រុកបន្ទាយអំពិល ខេត្តឧត្តរមានជ័យ មានកើតករណីឃាតកម្ម ១ករណី បង្កឡើងដោយជនសង្ស័យឈ្មោះ នង រិន ភេទប្រុស អាយុ ៤៥ឆ្នាំ មុខរបរ កសិករ មានទីលំនៅ ភូមិអពិលថ្មី ឃុំអំពិល ស្រុកបន្ទាយអំពិល ខេត្តឧត្តរមានជ័យ (ត្រូវជាប្អូនថ្លៃជនរងគ្រោះ) បានធ្វើសកម្មភាពយកកាំបិតខ្វែវ កាប់ទៅលើក្បាល ជើង ដៃ ទៅលើជនរងគ្រោះឈ្មោះ សារឿន សុជាតិ ភេទស្រី អាយុ ៤៦ឆ្នាំ មុខរបរ សាឡន មានទីលំនៅភូមិឃុំកើតហេតុខាងលើ (ត្រូវជាបងថ្លៃជនរងគ្រោះ) បណ្តាលឲ្យស្លាប់នៅនឹងកន្លែង។ ក្រោយពេលធ្វើសកម្មភាពរួច ជនសង្ស័យបានដើរត្រឡប់ទៅផ្ទះ ។

ក្រោយពីទទួលបានពត៌មាន ភ្លាមនោះៗ លោកឧត្ដមសេនីយ៍ទោ ខូវ លី ស្នងការនគរបាលខេត្ត បានចាត់ លោកវរសេនីយ៍ទោ រុន រ៉ាឌី អធិការនគរបាលស្រុក ដឹកនាំកម្លាំង ផែនការងារនគរបាលយុត្តិធម៌​ និងកម្លាំងប៉ុស្តិ៍នគរបាលរដ្ឋបាលអំពិល បាន​ចុះ​ទៅ​ដល់​កន្លែង​កេីត​ហេតុ​ ឃាត់ខ្លួន​ជន​សង្ស័យខាងលើ រួម​ទាំង​វត្ថុ​តាំង​ នាំមកកាន់​អធិការ​ដ្ឋាន​នគរបាល​ស្រុកបន្ទាយអំពិល ដើម្បីរៀបចំកសាងសំណុំរឿងតាមនីតិវិធីបញ្ជូនទៅកាន់សាលាដំបូងខេត្តចាត់ការបន្តតាមផ្លូវច្បាប់ ៕