#ខេត្តបន្ទាយមានជ័យ #ចុះផ្សាយថ្ងៃទី១០# #ខែកញ្ញា ឆ្នាំ២០២៥
ប្រភពច្បាស់ការពីប្រជាពលរដ្ឋក្នុងមូលដ្ឋានបានប្រាប់ថា ផ្ទះលោកតុល សារិនហៅក្លឹងជាមេឃុំអូរបីជាន់ បានលួចបើកល្បែងសុីសងអនឡាញ ឬហៅថាអេឡិចត្រូនិច មានទីតាំងផ្លូវចូលទៅច្រករបៀងប៉ុស្តិ៍ឈរជើងទាហានព្រំដែនកម្ពុជា មានចំងាយពីប៉ុស្តិ៍ប្រមាណជាជាងមួយរយម៉ែត្រ ស្ថិតក្នុងភូមិនិងឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។ពលរដ្ឋម្នាក់ទៀតបានប្រាប់សូមមិនបញ្ចេញឈ្មោះថាពិតជាផ្ទះលោកមេឃុំអូរបីជាន់មែនបើកល្បែងអនឡាញពិតប្រាកដមែន តែត្រង់ថាគាត់បើកខ្លួនឯង(ឬ
ជួលឲ្យជនបរទេស)ជាអ្នកបើកល្បែងអនឡាញនោះគាត់មិនច្បាស់ដែរ គ្រាន់តែដឹងថាផ្ទះនោះជាផ្ទះមេឃុំអូរបីជាន់ពិតប្រាកដមែន ប្រជាពលរដ្ឋម្នាក់ទៀតសូមមិនឲ្យបញ្ចេញឈ្មោះបានប្រាប់ថា បុគ្គលិកធ្វើការនៅទីនោះមានជនជាតិថៃនិងជនជាតិឡាវ និងមានជនជាតិផ្សេងទៀត តែងតែចេញមកក្រៅទិញនំនែកភេជ្ជៈឬកាហ្វេញាំជាដើម។កន្លងទៅមានសារព័ត៌មានក្នុងស្រុកបានផ្សព្វផ្សាយថា លោកតុល សារិន ហៅក្លឹងមិនមែនជាមេឃុំចេញពីការបោះឆ្នោតពីប្រជាពលក្នុងមូលដ្ឋានឡើយ គឺតែងតាំងដោយលោកចៅហ្វាយខេត្តបន្ទាយមានជ័យ។ ដោយមេឃុំចាស់ផ្លាស់ប្តូរទៅធ្វើការងារនៅផ្នែកមន្ទីរសារធារណៈការនិងដឹកជញ្ជូនខេត្តបន្ទាយមានជ័យ ក្រោយមកលោកមេឃុំចាស់សួង មឿន
បានជួបគ្រោះថ្នាក់ចរាចរណ៍ដោយខ្លួនឯងបាត់បង់អាយុជីវិត។សារព័ត៌មានដដែលបានចុះផ្សាយថាបន្ទាប់ពីលោកមេឃុំថ្មីតុល សារិន ចូលកាន់មុខដំណែង មានអនុភូមិនិងមេភូមិនៅក្នុងឃុំអូរបីជាន់មិនពេញចិត្តនាំគ្នាផ្តិតមេដៃព្រោងព្រាត។ ហើយមេឃុំ ថ្មីនេះមានរឿងមិនចេះចប់មិនចេះហើយក្នុងមូលដ្ឋានដូចជាសញ្ញេដីមិនប្រក្រតីជាដើម។ មេឃុំជាអ្នកដឹកនាំក្នុងមូលដ្ឋានត្រូវធានាសន្តិសុខជូនប្រជាពលរដ្ឋ ក្នុងមូលដ្ឋានដែលយើងគ្រប់គ្រង ដូចជាភូមិឃុំមានសុវត្ថភាពលក្ខណៈ៩យ៉ាងក្នុងនោះគ្មានល្បែងសុីសងគ្រប់ប្រភេទ ដែលរាជរដ្ឋាភិបាលកម្ពុជានិងក្រសួងមហាផ្ទៃបានដាក់ចេញវិធានការឲ្យទប់ស្តាត់ល្បែងសុីសងគ្រប់ប្រភេទរួមទាំងល្បែងអេឡេចត្រនិច អនឡាចជាដើម។កាលពីព្រឹកថ្ងៃទី៩ ខែកញ្ញា ឆ្នាំ២០២៥ ទស្សនៈមហាជនបានខលចូលទៅកាន់លោក តុល សារិនជាមេឃ អូរបីជាន់ ពាក់ព័ន្ឋផ្ទះគាត់បើកល្បែងអនឡាញលោកបានប្រាប់តាមទូរស័ព្ទថាជាប់រវល់ចាំជួបគ្នានៅហ្និងកន្លែងរហូតមកដល់ថ្ងៃទី១០ខែឆ្នាំដដែល លោកមិនបានឆ្លើយតបឡើយ។
សូមសម្តេចមហាបរវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងអភិសន្តិបណ្ឌិត ស សុខា ឩនាយរដ្ឋមន្ត្រីនិងជារដ្ឋមន្ត្រីក្រសួងមហាផ្ទៃជួយពិនិត្យលើមេឃុំអូរបីជាន់ផងទាន៕